Fluga á vegg.

Stjóri:

Heyrðu  vinur, þú átt að taka miljarð að láni og kaupa hlutabréf í bankanum.

Já vertu ekki með neitt múður, þú færð tekjur af bréfunum, og svo hækka þau líka.

Auðvitað er lánið tryggt með bréfunum.

Bankastarfsmaður:

Ég skil þetta ekki, lendi ég ekki í vandræðum í þessari flækju .

Stjóri:

Nei, nei, ég skal segja þér að bankinn stórgræðir á þessu.

Þegar við fáum miljarðinn fyrir bréfin, þá lánum við hann út 10 sinnum,

og bankinn eignast  9 miljarða.

Ef við látum 10 starfsmenn kaupa hlutabréf í bankanum fáum við 90 miljarða.

Síðan látum við þessa miljarða ganga hring eftir hring, og mölum gull á þessu.

Bankastarfsmaður:

En er þetta ekki ein hringavitleysa, ég skil ekkert í þessu.

Stjóri:

Það gerir ekkert til, fólkið skilur ekkert í þessu, það er bara betra.

Við búum til peninga og eignumst allt saman.

Í versta lagi skammar fólkið ríkistjórnina, en við höldum öllu í okkar höndum.

Fjölmiðlarnir okkar mata fólkið á þeim upplýsingum sem okkur henta.

Ef einhver stjórnmálamaðurinn vinnur ekki fyrir okkur,

þá kennum við honum um allt mögulegt og ómögulegt,

þá trúir fólkið því, og hann verður óvirkur.

Það er ekkert að óttast.

Heyrðu, þetta er bara okkar í milli.

Þakka þér fyrir að aðstoða bankann okkar, sjáumst á Árshátíðinni.

Egilsstaðir, 07.10.2010 jg